ბორის პასტერნაკის ქართველ ადრესატებთან მიმოწერის თავისებურებანი და შემოქმედებითი მნიშვნელობა

Abstract

სადისერტაციო ნაშრომი ეძღვნება ბორის პასტერნაკის იმ ეპისტოლური მემკვიდრეობის თავისებურებებისა და მისი შემოქმედებითი მნიშვნელობის შესწავლას, რომელთა ადრესატები რუსი ავტორის ქართველი მეგობრები იყვნენ. ბორის პასტერნაკისა და ქართველი პოეტების მეგობრობას არაერთი ნაშრომი მიეძღვნა. როგორც მარია ფილინა აღნიშნავს, თავიანთი დროის ბრწყინვალე პოეტებმა ადამიანური და შემოქმედებითი მიზიდულობაც იგრძნეს და სიცოცხლის ბოლომდე მეგობრებად დარჩნენ. პირადი ურთიერთობები, ცხადია, ყველაზე კარგად დღიურებსა და პირად წერილებში აისახება. პასტერნაკი მე-20 საუკუნის იმ ერთ-ერთი ავტორთაგანია, რომლის შემოქმედებაში სრულიად ცალკე და ამავდროულად, საკმაოდ დიდი ადგილი უკავია ეპისტოლურ მემკვიდრეობას. გარდა იმისა, რომ ამ წერილების საშუალებით არაერთი ცხოვრებისეული დეტალი, ავტორის პიროვნული თვისებები და შეხედულებები იკვეთება, ამასთანავე, მისი შემოქმედების მრავალ ასპექტზე გვიქმნის წარმოდგენას. ხშირ შემთხვევაში კი თავად ხდება ეს წერილები შემოქმედების ნაწილი. სადისერტაციო თუ სხვა ნებისმიერი სამუშაოს თემად ბორის პასტერნაკის ცხოვრებისა და შემოქმედების არჩევა დიდ პასუხისმგებლობას აკისრებს მკვლევარს: პასტერნაკს, როგორც მე-20 საუკუნის პოეზიის ერთ-ერთ მწვერვალს, მიმართავენ წამყვანი რუსი, ევროპელი და ამერიკელი სპეციალისტები ლიტერატურათმცოდნეობისა თუ ფილოსოფიის სხვადასხვა დარგიდან. პოეტის გარდაცვალებიდან 60 წელზე მეტი გავიდა და მის მიმართ ინტერესი არათუ ნელდება, არამედ გარკვეული თვალსაზრისით უფრო ძლიერდება. პასტერნაკის სახელის ირგვლივ პოლიტიკურმა კამათმა, დიდი ხანია, უკანა პლანზე გადაინაცვლა და ახლა, უპირველეს ყოვლისა, განიხილება მწერლის მემკვიდრეობის სიღრმისეული საკითხები, თუმცა ზოგჯერ აღმოაჩენენ მანამდე უცნობ ახალ წერილებს, ახალ ფაქტებს მწერლის ცხოვრებიდან და საჭირო ხდება ინტერპრეტაცია.

The dissertation is dedicated to the study of the peculiarities of Boris Pasternak's epistolary legacy and its creative significance, the addressees of which were Georgian friends of the Russian author. Numerous works have been dedicated to the friendship of Boris Pasternak and Georgian poets. As Maria Filina points out, the brilliant poets of their time felt both human and creative attraction and remained friends until the end of their lives. Personal relationships are, of course, best reflected in diaries and personal letters. Pasternak is one of those authors of the 20th century, in whose work the epistolary legacy occupies a completely separate and at the same time quite extensive place. Aside from the fact that through these letters, not only a single life detail, but also the author's personal qualities and views are revealed, at the same time, it gives us an idea of many aspects of his literary creativity. In many cases, these letters themselves become a part of literary creation. Choosing life and work of Boris Pasternak as the topic of a dissertation or any other paper imposes great responsibility on the researcher: Pasternak, as one of the peaks of 20th century poetry, is addressed by leading Russian, European and American specialists from various fields of literary studies and philosophy. More than 60 years have passed since the poet's death and the interest in him is not fading, but in some ways it is getting stronger. The political controversy surrounding Pasternak's name has long moved into the background, and now, first of all, in-depth issues of the writer's legacy are discussed, although sometimes new letters, new facts from the writer's life that were previously unknown are discovered and additional interpretation becomes necessary.