დროებითი განკარგულება

Abstract

საოჯახო სამართალში, უდავოდ, ყველაზე სენისტიურ საკითხს განეკუთვნება ბავშვი, მისი უფლებების დაცვა ოჯახსა და საზოგადოებაში, რომელიც ქართულ კანონმდებლობაში გამყარებულია მშობლებისათვის თანაბარი უფლება-მოვალეობების მინიჭებით მატერიალურ კანონმდებლობაში, ხოლი სასამართლო დავების განხილვისას, რომელიც მიმდინარეობს იმგვარად, რომ მასში მონაწილეობენ არასრულწლოვნები, აპრიორია სწორედ ბავშვთა უფლებები და მათი რეალიზება, მათი საუკეთესო ინტერესების დაცვა. სამოქალაქო საპროცესო კოდექსი ცალკე თავად გამოყოფს საოჯახო საქმეთა განხილვის თავისებურებებს. კერძოდ: კოდექსი ამბობს, რომ საოჯახო სამართლებრივი დავები განიხილება იმ დამატებებით, რომლებიც სპეციალურად ამ სახის დავების განხილვისთვისაა კოდექსში მოცემული. აქვე ვკითხულობთ დროებითი განკარგულების რეგულაციას, რომელიც სამაგისტრო ნაშრომის ძირითადი საკვლევი საგანია. დროებითი განკაგულებით სასამართლო აწესრიგებს შვილის მიმართ ზრუნვის საკითხებს, ერთერთი მშობლის ურთიერთობას ბავშვთან, აღსაზრდელად გადაცემას, შენახვის ვალდებულებას, საოჯახო მეურნეობითა და ბინით სარგებლობის საკითხებს და სხვა. ნაშრომში მიმოხილულია სამართლებრივი ნორმები, რომლებიც ამ საკითხებს არეგულირებს და სასამართლო პრაქტიკა, რომელიც ყველაზე ნათლად გვიჩვენებს, რამდენად ხდება ბავშვის საუკეთესო ინტერესების დაცვა საოჯახო დავების დროს და რა როლი აქვს ამ დაცვის სწორად წარმართვაში სასამართლოს.