ფარმაცევტული კომპანიების მარკეტინგი

ნაშრომში განხილულია ქართულ ფარმაცევტულ ბაზარზე არსებული კომპანიების ტენდენციები და მარკეტინგული სვლები, დადებითი და უარყოფითი მხარეები, პირდაპირი პრობლემები და მათი აღმოფხვრის გზები და რეკომენდაციები. ასახულია ზოგადად ქართული ფარმაციის განვითარება ისტორიულ ჭრილში, დასაბამიდან დღემდე, თუ რამხელა ცოდნასა და გამოცილებას ფლობდნენ მედეას დროს კოლხები და მას შემდეგ მოყოლებული, მთელი საქართველო. როგორი გავლენა იქონია და დაღი დაგვასვა ჩრდილოელ მეზობელთან ურთიერთობებმა უკანასკნელი III საუკუნის განმავლობაში.
დაწვრილებით განმარტებულია საქართველოს ფარმაციის საკანონმდებლო ბაზა, მისი სუსტი და მოუქნელი სტრუქტურა, რომელსაც სათავისოდ იყენებენ, ზოგიერთი ქვემოთ აღნიშნული კომპანიები. შედარებისთვის განხილულია მსოფლიოს სხვადასხვა ქვეყნის მთავრობის მიდგომა მედიკამენტისა და ზოგადად ფარმაციისადმი. ჩამოყალიბებულია ერთი საერთო აზრი, რომ მედიკამენტი არის ავადმყოფის მოსარჩენი წამალი და არა უზომო მოგების მისაღები პროდუქტი.
დაწვრილებით არის განმარტებული ჯენერიკ მედიკამენტების არსი, მიზანი და მნიშვნელობა. თუ როგორ შეიძლება მათი გამოყენება საქართველოში, ჯანდაცვის ხარჯების შესამცირებლად, ერთ სულ მოსახლეზე და სხვა.
დასკვნით თავში, განხილულია კომპანიათა მიერ შემუშავებული და ცუდი მხრიდან გამოყენებული, შავი მარკეტინგი, ფასნამატთა გაუკონტროლებელი სისტემა და დაჩაგრული და მოტყუებული მომხმარებელი. ასევე გამოყენებულია კვლევათა შედეგები და სტატისტიკური მონაცემები.
საბოლოო დასკვნაში შეჯამებულია მთელი ნაშრომი, გამოკვეთილია ქართული ფარმაციის დადებითი და უარყოფითი მხარეები და ჩამოყალიბებულია პრობლემათა აღმოფხვრისა და გადაჭრის გზები და რეკომენდაციები.