ტრადიციული საცხოვრებელი ნაგებობები სოფელ ხიზაბავრაში

ანოტაცია
სამცხე-ჯავახეთი დარბაზული ტიპის საცხოვრებლების თვალსაზრისით მნიშვნელოვანი

რეგიონია, სადაც რიგ სოფელში ჯერ კიდევ შემორჩენილია ტრადიციული
ხალხური ხუროთმოძღვრების ნიმუშები. ბუნებრივი გარემოებების ზემოქმედებითა და
თავად მეპატრონეთა ნება-სურვილით ხშირ შემთხვევაში ძირეულად გადაკეთებულია
ან სრულიად განადგურებულია დარბაზოვანი კომპლექსები. საკითხის აქტუალობა მით
უფრო მწვავეა ვინაიდან, ჩვენამდე შემორჩენილი ნიმუშები ფაქტობრივად
განადგურების პირასაა და არსებული მდგომარეობის ყოველდღიურ ფიქსაციას
მოითხოვს.
წინამდებარე ნაშრომში კვლევის ობიექტს წარმოადგენს ჯავახეთის ერთ-ერთი სოფელი
ხიზაბავრა და მის განაშენიანებაში შემორჩენილი რვა დარბაზოვანი კომპლექსი და
ცალკეული სათავსო-ნაგებობა, რომლებიც ჩვენს დრომდე მოღწეულ ტრადიციული
საცხოვრებლების საინტერესო ნიმუშებს წარმოადგენენ.
ნაშრომის შესავალში დასახულია კვლევის ამოცანები. პირველი თავი ეთმობა სამცხეჯავახეთის

რეგიონის გეოგრაფიულ-ისტორიულ მიმოხილვასა და სოფელ ხიზაბავრის
მოკლე აღწერილობას.
მეორე თავში დეტალურად განხილულია საკვლევი რვა მიწურ-ბანიანი ნაგებობა: გია
ხუციშვილის, ფანჩო ველიჯანაშვილის, ნოდარ ხაზალაშვილის, ზურა კეღოშვილის,
ლუბა კეღოშვილის, ელდარ მურადაშვილის, პავლე კეღოშვილის და გოდერძი
მაზმიშვილის საცხოვრებლები. მოცემულია ნაგებობათა სამშენებლო-არქიტექტურულგეგმარებითი
აღწერილობა.

მესამე თავი ეთმობა არქიტექტურულ-მხატვრულ ანალიზს. მასალა წარმოდგენილია
დარბაზის რეგიონულ ზოგადსახასიათო ნიშნებთან მიმართებაში და გამოვლენილია
კონკრეტული ნიმუშების ხუროთმოძღვრული მახასიათებლები.