Research of traumatism financing and patient satisfaction on the example of private insurance company

სამაგისტრო ნაშრომი ეხება საქართველოში ტრავმატიზმის დაფინანსებას კერძო სადაზღვევო სექტორის მიერ, ასევე ამ მიმართულებით მსოფლიოს გამოცდილებას და საქართველოს სამომავლო სტრატეგიებს. WHO მონაცემებით ტრავმული დაზიანების შედეგად ყოველწლიურად იღუპება დაახლოებით 5 მილიონი ადამიანი, ბევრად მეტი კი სხეულის სხვადასხვა სახის არაფატალურ დაზიანებას იღებს. ტრავმატიზმის მსხვერპლნი ხვდებიან კლინიკებში, იხარჯება დიდი რაოდენობით რესურსი, რის შედეგადაც ჯანდაცვის სექტორსა და საზოგადოებას ყოველწლიურად მნიშვნელოვანი ზარალი ადგება, რაც დაკავშირებულია უზარმაზარ ადამიანურ, ფინანსურ მატერიალურ და სხვა დანაკარგებთან. მსოფლიოში ტრავმატიზმის დიდი ნაწილი გვხვდება ახალგაზრდა მოსახლეობაში, რომლებიც სარგებლობენ ჯანმრთელობის დაზღვევით, ამიტომ მნიშვნელოვანია კვლევის ამ კონტიგენტზე ფოკუსირება. ტრავმატიზმი და მისგან გამოწვეული ავადობის ტვირთი და მკურნალობასთან დაკავშირებული ფინანსური დანახარჯების მოცულობა როგორც საქართველოში, ასევე მსოფლიოში საზოგადოებრივი ჯანდაცვის ერთ-ერთ მზარდ პრობლემას წარმოადგენს.