Please use this identifier to cite or link to this item: https://openscience.ge/handle/1/277
Title: კანონიერი ქურდობა, როგორც ორგანიზებული დანაშაულის ერთ-ერთი ფორმა
Authors: გოგუა, სალომე 
Keywords: ქურდული სამყარო;კანონიერი ქურდი;ორგანიზებული დანაშაული
Issue Date: 2019
Abstract: 
ორგანიზებული დანაშაული, კრიმინალური საქმიანობის ერთ-ერთ ყველაზე რთული და საშიში სახეობაა, რომელმაც ათწლეულების განმავლობაში თავისი ანტისახელმწიფოებრივი საქმიანობით ისე „გამოიჩინა“ თავი, რომ საბოლოოდ მის წინააღმდეგ ბრძოლა მსოფლიოს ბევრი სახელმწიფოსთვის მთავარი ამოცანა გახდა, მათ შორის ჩვენი ქვეყნისთვისაც.
იმ გარემოებიდან გამომდინარე, რომ საქართველო დიდ გავლენას განიცდიდა და დღემდე განიცდის სოციალისტური რეჟიმის დაშლის შემდეგაც, იმ კონკრეტულ დანაშაულთან მიმართებაში, რომელიც წარმოადგენს ორგანიზებული დანაშაულის ერთ-ერთ სახეს „ქურდულ სამყაროს“ და „კანონიერ ქურდობას“, საჭიროა უფრო ფართოდ ვისაუბროთ იმ პრობლემებზე, რაც არსებობს აღნიშნულ დანაშაულთან მიმართებაში. მით უფრო, რომ ეს საკითხი ჩვენს სახელმწიფოში წარსულის ტკივილებთან არის დაკავშირებული და მიუხედავად სახელმწიფოს მხრიდან გატარებული მთელი რიგი ღონისძიებებისა, მაინც ვერ მოხერხდა „ქურდული სამყაროსა“ და „კანონიერი ქურდების“ ინსტიტუტის საბოლოოდ მოშლა.
პროფესიული დანაშაულობისა და, კონკრეტულად, „კანონიერი ქურდობის“ საქმიანობის შესწავლა, რთული ამოცანაა ნებისმიერი მკვლევარისთვის, რაც იმითაა განპირობებული, რომ ყველა სახის დანაშაულებრივი საქმიანობა, განსაკუთრებით პროფესიული, ატარებს ლატენტურ ხასიათს. ეს კი, თავის მხრივ, დაკავშირებულია მხილებისა და სისხლისსამართლებრივ პასუხისგებაში მიცემის სირთულეებთან.
ნაშრომში დასახელებული პრობლემები, იქნება ეს „კანონიერი ქურდობის“ ტერმინთან, ბრალდების მტკიცების საკითხთან, თუ პასუხისმგებლობის დაკისრებასთან დაკავშირებით, ნამდვილად რეალურია და ფაქტიურად ძალიან ართულებს სასამართლო სისტემის ეფექტურ და მოქნილ მუშაობას, რადგანაც სასამართლო ვერ იხელმძღვანელებს მხოლოდ მოწმეთა ჩვენებებით ან ბრალდებულის აღიარებითი ჩვენებით. მას მხოლოდუტყუარი მტკიცებულებების საფუძველზე შეუძლია გამოიტანოს განაჩენიკონკრეტული პირის მიმართ. სწორედ ეს არის ამ საკითხის მთავარი პრობლემა, მტკიცების საკითხი, მტკიცებულებების მოპოვების პრობლემურობა, რადგან არ არსებობს არანაირი დაწერილი „ქურდული კანონები“ თუ „ქურდული წესები“, რომლის მიხედვითაც სასამართლო სისტემასშეეძლებოდა ემსჯელა კონკრეტული პირის ბრალეულობა/არაბრალეულობის საკითხზე.
URI: https://openscience.ge/handle/1/277
Appears in Collections:დისერტაციები

Files in This Item:
File Description SizeFormat
SAMAGISTRO GOGUA.pdfკანონიერი ქურდობა, როგორც ორგანიზებული დანაშაულის ერთ-ერთი ფორმა627.83 kBAdobe PDFView/Open
Show full item record

CORE Recommender

Page view(s)

28
checked on Apr 7, 2020

Download(s)

34
checked on Apr 7, 2020

Google ScholarTM

Check


Items in DSpace are protected by copyright, with all rights reserved, unless otherwise indicated.