ინტერაქტიული სწავლება და შემაჯამებელი დავალებები

Abstract

ნაშრომში „ინტერაქტიული სწავლება და შემაჯამებელი დავალებები“ აღნიშნულია მასწავლებელსა და მოსწავლეს შორის სწავლა-სწავლების ისეთი გზები, რომლებიც ხელს შეუწყობს საგაკვეთილო პროცესის სწორად წარმართვას, შემაჯამებელი დავალებების ეფექტურობასა და სრულყოფას. თემის მიზანია მასწავლებელმა კარიერული წინსვლისა და განვითარებისათვის გამოიყენოს სხვადასხვა მეთოდები და ხერხები, რომელიც ეფექტურსა და მოსწავლეებისათვის საინტერესოს გახდის როგორც გაკვეთილს, ისე შემაჯამებელი დავალებების ჩატარების პროცესს. ნაშრომზე მუშაობის მიმდინარეობისას განვიხილეთ და დავამუშავეთ საკითხთან დაკავშირებული კვლევები, პედაგოგების მიერ ჩატარებული შემაჯამებელი დავალებები და წყაროები, რომლებიც უკავშირდებოდა შემაჯამებელ დავალებებს. ჩავატარეთ თემასთან დაკავშირებით შესაბამისი კვლევა შუახევის, ქედის საჯარო სკოლებსა და ბათუმის კერძო სკოლებში. კვლევის განხორციელების ძირითად მეთოდად გამოვიყენე ანკეტირების, ტესტირებისა (ღია და დახურული კითხვები) და ინტერვიუს მეთოდი. გამოვიკვლიე თუ შემაჯამებელი დავალების რა ფორმას ანიჭებდნენ უპირატესობას, რა ფორმის შემაჯამებელ დავალებებს ატარებდნენ ხშირად. ასვევე დავინტერესდი მასწავლებელთა მრავალფეროვანი შემაჯამებელი დავალებების ეფექტურობით, მოსწავლეთა საჭიროებებსა და ინტერესებზე რამდენადაა მორგებული შემაჯამებელი დავალებები. კვლევის შედეგების ანალიზის საფუძველზე შემუშავებული გვაქვს რეკომენდაციები, რომელიც უთუოდ ეფექტური იქნება ამ საკითხთან დაკავშირებული პრობლემების დაძლევაში. ნაშრომის გამოყენება შეუძლიათ სტუდენტებსა და პრაქტიკოს მასწავლებელს, დიდ დახმარებას გაუწევს სკოლაში წარმატებული მოღვაწეობისა და კარიერული წინსვლისათვის. თემა მოიცავს შესავალს, სამ თავს, ცხრა პარაგრაფს, დასკვნასა და ლიტერატურის დასახელებას.