მარკეტინგული მართვა და სამედიცინო საქმიანობის შედეგები

დღევანდელ კონკურენტულ მსოფლიოში მარკეტინგი ნებისმიერი მიმართულების კომპანიისთვის საციცოცხლოდ აუცილებელი გახდა. შესაბამისად, სამედიცინო სფეროშიც მარკეტინგი ორგანიზაციის ეფექტიანი მუშაობის მთავარი იარაღია, რომელიც ბაზარზე სწორი გზავნილების შემთხვევაში უზრუნველყოფს კმაყოფილი პაციენტების დიდ არმიას. თუმცა ჯანდაცვას, როგორც მომსახურების სპეციფიკურ სფეროს, თავისი განმასხვავებელი ნიშნები აქვს, რომელთა გათვალისწინების გარეშე წარმატებული მარკეტინგული საქმიანობა არ არსებობს.
სამაგისტრო ნაშრომი მოიცავს 3 თავს. პირველი თავი „მარკეტინგი და მისი მნიშვნელობა სამედიცინო მომსახურების ბაზრისთვის“ განიხილავს სამედიცინო მომსახურების მარკეტინგის არსს და მისი ძირითადი ელემენტებს. ასევე, სამედიცინო მომსახურების ბაზრის თავისებურებებს.
მეორე თავში „ჯანდაცვის სისტემისა და სამედიცინო მომსახურების ბაზრის მიმოხილვა“ მოცემულია ჯანდაცვის სისტემის და სამედიცინო მომსახურების ბაზრის ძირითადი ელემენტების - სერვისების მიმწოდებლებისა და მომხმარებლების ზოგადი დახასიათება; გაანალიზებულია საქართველოს ჯანდაცვის სიტემის სტრუქტურა.
მესამე თავი კვლევითი ნაწილია. მაში გადმოცემულია კვლევის დიზაინი და მეთოდოლოგია. მნიშვნელოვანი ნაწილი ეთმობა პაციენტთა დამოკიდებულების შესწავლას სამედიცინო სფეროს მარკეტინგისადმი (ანკეტური გამოკითხვა) და, ასევე, თვისობრივი კვლევის საფუძველზე გაანალიზებულია სამედიცინო სერვისების მიმწოდებელთა მარკეტინგული აქტივობები.
ნაშრომის მოცულობა შეადგენს კომპიუტერზე ნაბეჭდ 65 გვერდს, ნაშრომის ბოლოს მოცემულია დასკვნები. ნაშრომში გამოყენებულია 35 დასახელების ლიტერატურული წყარო.