პოლიტიკური იმიჯის შექმნის თავისებურებანი საქართველოსა და დასავლეთის სახელმწიფოებში

Abstract

The political community of the world from the beginning to the present day has been discussing how to combine the interests of the state and the people. The 21st century is an era of new world politics. New policies require new technologies. Public political education in Georgia is growing every year and the requirements for politicians are different. Also, other standards are required for the production of international policy. That is why it is important to make a comparative analysis of how the political image is created and shaped in Georgia and the Western states. You may develop a good policy, but you may not implement it well. The reason is often the low level of political technology. Developed states not only pursue strong policies, but also pursue them vigorously. Many political ideas or opinions remain on paper because they have not or could not be implemented. Comparative analysis and new scientific substantiation in the technologies of creating and shaping the political image is a reliable and trustworthy guide in the process of conducting or producing a practical policy.

მსოფლიოს პოლიტიკური საზოგადოება დასაბამიდან დღემდე მსჯელობს იმაზე, თუ როგორ უნდა განხორციელდეს სახელმწიფოსა და ხალხის ინტერესების შერწყმა. პრობლემა სწორედ ის არის, რომ ხშირად ხალხის ინტერესები სახელმწიფოს ინტერესებს არ ემთხვევა ან პოლიტიკოსების ინტერესები არ შედის ხალხის ინტერესებში. პოლიტ-ტექნოლოგიები და პოლიტიკური იმიჯის შექმნის მეთოდოლოგია სწორედ ის იარაღია, რომლითაც პოლიტიკოსები ახერხებენ, ხალხის ინტერესები შეუსაბამონ სახელმწიფოს ინტერესებს. ამ მხრივ, განსხვავებულია როგორც საქართველოსა და დასავლეთის სახელმწიფოების მეთოდოლოგიური არჩევანი, ისე მათი პოლიტიკური ცოდნის დონეც და სამოქალაქო განათლებაც. სახელმწიფოს ძლიერება ფასობს არა სხვა სახელმწიფოებრივი პოლიტიკის მექანიკური ტავტოლოგიით, არამედ - საკუთარი ძალებით ჩამოყალიბებული პოლიტიკის გატარებით. მართალია, საქართველოს გეოფიზიკური მდებარეობიდან გამომდინარე, ეს ძნელად მისაღწევია, მაგრამ - შესაძლებელი. 21-ე საუკუნე ახალი მსოფლიო პოლიტიკის ეპოქაა. ახალი პოლიტიკის წარმოებას ახალი ტექნოლოგიები სჭირდება. საზოგადოების პოლიტიკური განათლება საქართველოში ყოველწლიურად იზრდება და მოთხოვნებიც პოლიტიკოსების მიმართ სხვაა. ასევე, სხვა სტანდარტებს მოითხოვს საერთაშორისო პოლიტიკის წარმოებაც. სწორედ ამიტომ, მნიშვნელოვანია შედარებითი ანალიზის გაკეთება, თუ როგორ იქმნება და ყალიბდება პოლიტიკური იმიჯი საქართველოსა და დასავლეთის სახელმწიფოებში. შესაძლოა კარგი პოლიტიკა შეიმუშაო, მაგრამ კარგად ვერ განახორციელო. მიზეზი ხშირ შემთხვევაში - პოლიტტექნოლოგიების დაბალი დონეა. განვითარებული სახელმწიფოები არა მარტო ძლიერ პოლიტიკას ახორციელებენ, არამედ, მძლავრად ახორციელებენ. ბევრი პოლიტიკური იდეა თუ მოსაზრება ფურცელზე რჩება, რადგან არ ან ვერ განხორციელეს.