მესამე პირები სამოქალაქო პროცესში

მეცნიერების, ტექნიკის, ეკონომიკისა და საზოგადოებრივი ურთიერთობების სწრაფმა განვითარებამ, შედეგად ახალი და კომპლექსური სამოქალაქო სამართლებრივი ურთიერთობები მოიტანა.
მათი მოწესრიგებისათვის საჭიროა ქვეყნის კულტურასა და ინტერესებზე მორგებული კონკრეტული მექანიზმები. საბაზრო პრინციპებზე დაფუძნებული ეკონომიკური სისტემის პირობებში წარმოშობილ ურთიერთობებში მონაწილე კერძო სამართლის სუბიექტებისათვის მოქნილი საპროცესო სამართლებრივი ინსტრუმენტების არსებობა განაპირობებს მათი უფლებების ჯეროვან რეალიზაციას. სამოქალაქო დავები, რომლებიც სტანდარტულად ორ მხარეს შორის იწყება შესაძლოა გართულდეს და გახდეს კომპლექსური და მრავალმხრივი. მისი სწორად, სრულყოფილად და ეფექტიანად გადაწყვეტა მართლმსაჯულების განხორციელების პროცესის მთავარი მიზანია. მოცემული მიზნის განხორციელებისათვის კი მოქნილი და კონკრეტული საკანონმდებლო რეგულაციებია საჭიროა.