სუროგაციის ხელშეკრულების სუბიექტების სამართლებრივი მდგომარეობა

Abstract

დღესდღეობით სუროგაცია ითვლება ყველაზე გავრცელებულ რეპროდუქციულ ტექნოლოგიად, რომელიც ხელმისაწვდომია მილიონობით მსურველისათვის, თუმცა, მიუხედავად ამისა, არ არსებობს მისი რეგულირების უნიფიცირებული მოდელი. გამომდინარე იქიდან, რომ სუროგაცია არის მეტად კომპლექსური „უშვილობის მკურნალობის მეთოდი“, ის იწვევს აზრთა სხვადასხვაობას მრავალი მიზეზის გამო. იურისდიქციების მიხედვით განსხვავდება არა მარტო რეგულირების სტილი, არამედ პრაქტიკაში დანერგილი ტერმინებიც. სუროგაციის პროცესში გამოსაყენებელი ტერმინოლოგიის სწორად შერჩევას დიდი მნიშვნელობა აქვს, რადგან ის გავლენას ახდენს საზოგადოების დამოკიდებულების ფორმირებაზე. გაერთიანებული სამეფოს ადამიანის განაყოფიერებისა და ემბრიოლოგიის ორგანომ 2018 წლის შემუშავებულ პრაქტიკის კოდექსის მე-9 გამოცემაში „ტერმინი სუროგატი დედის“ ნაცვლად გამოიყენა მხოლოდ „სუროგატი“ და „შემკვეთი წყვილის“ ნაცვლად „პოტენციური მშობლები“. სიტყვა „დედა“ გამიზნულად არის ამოღებულია და დატოვებულია მხოლოდ სუროგატი, რადგან ადამიანების ცნობიერებაში არ მოხდეს მისი ბიოლოგიურ დედასთან გაიგივება. მსგავსი მიდგომა აქვს ამერიკის დაავადებათა პრევენციისა და კონტროლის ცენტრს, ის ქალს, რომელიც ატარებს მასთან გენეტიკური კავშირის არმქონე ბავშვს, უწოდებს გესტაციურ მატარებელს.