მოტყუებით დადებული გარიგების ობიექტური შემადგენლობა და დუმილით მოტყუება

Abstract

სამართლისთვის მნიშვნელოვანი როლი აკისრია გარიგებების ინსტიტუტს, იმდენად, რამდენადაც იგი წარმოადგენს კერძო ავტონომიისა და ხელშეკრულების თავისუფლების რეალიზების საშუალებას. დღესდღეისობით ადამიანები არაერთ განსხვავებულ გარიგებებს დებენ, თითოეული მათგანი, ბუნებრივია ვერ იქნება სამართლებრივად გამართული, შესაბამისად წარმოიშვება ნების ნაკლი, რომლის ერთ-ერთ სახეს წარმოადგენს მოტყუებით დადებული გარიგება. სამაგისტრო ნაშრომის თემის აქტუალურობა 1 თანამედროვე მსოფლიოში მნიშვნელოვნად გაიზარდა მოტყუებიდან წარმოშობილი სამართლებრივი ურთიერთობები, აქედან გამომდინარე მოტყუებით დადებული გარიგება არის საცილო გარიგებებიდან ერთ-ერთი ყველაზე მეტად განსახილველი საკითხი, არამარტო სასამართლო პრაქტიკაში, არამედ იურიდიულ ლიტერატურაში. მოტყუებული მხარის დაცვა კიდევ უფრო აქტუალური გახდა სწორედ გაზრდილი მოტყუებაზე დაფუძნებული ურთიერთობების არსებობით, შესაბამისად აუცილებელია სასამართლოს როლი ერთგვაროვანი და სწორი პრაქტიკის ჩამოყალიბებისთვის. დღის წესრიგში დადგა მეორე მხარის კეთილსინდისიერ ქცევასთან დაკავშირებით ნდობის და ნების გამოვლენის თავისუფლების განსაკუთრებული დაცვის აუცილებლობა თანამედროვე პირობებში არსებული ჭარბი ნაკლიანი გარიგებების არსებობის ფონზე. 2 აგრეთვე, საკმაოდ პრობლემატურია პრაქტიკაში გამიჯვნის საკითხი, სადავო ურთიერთობა უნდა შეფასდეს სამოქალაქო სამართლებრივ ჭრილში თუ განხილულ უნდა იქნეს სისხლისამართლებრივი წესით, რამეთუ მოტყუების ფაქტი არის შემადგენელი ნაწილი, როგორც სისხლის სამართლებრივი წესით დასჯადი ქმედების, კერძოდ თაღლითობის, აგრეთვე მოტყუებით დადებული გარიგების.