პროდუქტის წარმოშობის ქვეყნის ეფექტის გავლენა მომხმარებლის ქცევაზე (საქართველოს მაგალითზე)

მეოცე საუკუნის მეორე ნახევარში დაფიქსირდა საერთაშორისო ვაჭრობის სწრაფი ზრდა, რამაც მარკეტინგის მეცნიერების სფეროში ახალი კვლევების ჩატარების აუცილებლობა განაპირობა. მარკეტინგში კვლევის ერთ-ერთი მნიშვნელოვანი სფეროა „პროდუქტის წარმოშობის ქვეყნის ეფექტის“ შესწავლა, რომელიც განვითარებადი და განვითარებული ქვეყნების მომხმარებლის მიერ პროდუქტის აღქმასა და შეფასებას ეფუძნება. მრავალი სამეცნიერო ნაშრომი ადასტურებს პროდუქტის წარმოშობის ქვეყნის შესახებ ინფორმაციის ეფექტს პროდუქტის შეფასებაში.