საგარეო ბაზარზე მომუშავე საწარმოთა საქმიანობაში საერთაშორისო ლოგისტიკის დანერგვის ფაქტორები

წარმოდგენილი სამაგისტრო ნაშრომი „საგარეო ბაზარზე მომუშავე საწარმოთა საქმიანობაში საერთაშორისო ლოგისტიკის დანერგვის ფაქტორები“, პირველად ქართულ ლოგისტიკურ რეალობაში, დეტალურად აანალიზებს საერთაშორისო ლოჯისტიკის რეგიონალური ფაქტორების მნიშვნელობას მსოფლიო მეურნეობის განვითარების, როგორც საერთაშორისო ლოჯისტიკის წარმოქმნის ერთ-ერთი ფაქტორის და საერთაშორისო ლოჯისტიკური სტრატეგიების რეალიზების ჩარჩოში.
თეორიული და ლიტერატურული ანალიზი, რომელიც ნაშრომის მნიშვნელოვან ნაწილს წარმოადგენს, შესაწავლილი და განხილულია საერთაშორისო ეკონომიკური ინტეგრაციისა და საერთაშორისო ლოჯისტიკის განვითარების, ასევე, ორგანიზაციათა და გადაწყვეტილებათა მიღების მეთოდების საფუძველზე საერთაშორისო ლოგისტიკაში, საწარმოთა ინტერნაციონალიზაციის ფორმებისა და საერთაშორისო ლოჯისტიკის მართვის საორგანიზაციო სტრუქტურების ჩამოყალიბების პროცესების ჭრილში.
ნაშრომის კვლევითი ნაწილი ეთმობა საერთაშორისო ბაზრებზე ლოგისტიკური შუამავლების მოღვაწეობის შესწავლას. ამ საკითხების კვლევა მნიშვნელოვანია იმ ქართული კომპანიებისთვის, რომლებიც მუშაობენ არამარტო ქართულ ბაზარზე, ან მათი მარკეტინგული სტრატეგია განიხილავს უცხოურ ბაზარზე გასვლას. შესაბამისად, წარმოდგენილი კვლევების საფუძველზე მოცემულია მიწოდებათა ჯაჭვის ღირებულების ფორმირების სისტემა, მიწოდებათა საერთაშორისო ჯაჭვის სტრუქტურის ფორმირების ინსტრუმენტები და მექანიზმები, კომპანიებისა და ლოგისტიკური შუამავლების ურთიერთობათა ორგანიზება და ნაკადების ოპტიმიზება მიწოდებათა საერთაშორისო ჯაჭვში.
ნაშრომის დასკვნით ნაწილში ლიტერატურული, თეორიული ანალიზის საფუძველზე ჩამოყალიბებულია გადასაწყვეტ ამონაცათა და პრობლემათა ჩამონათვალი, რომელიც შესაძლებელია შეექმნათ კომპანიებს საერთაშორისო ბაზარზე გასვლის დროს ლოგისტიკური ამოცანების გადაწყვეტის პროცესში. ამასთან, შემუშავებულია პრაქტიკული რეკომენდაციები, რომელთა გათვალისწინება ხელს შეუწყობს სწორედ ზემოთაღნიშნული პრობლემების მოგვარებას.