საწარმოებში ნედლეულის სატრანსპორტო სისტემებით მიწოდებისას ლოგისტიკური მართვის ჩამოყალიბება

წარმოდგენილ სამაგისტრო ნაშრომში „საწამოებში ნედლეულის სატრანსპორტო სისტემებით მიწოდებისას ლოგისტიკური მართვის ჩამოყალიბება“ გამოკვლეული და გაანალიზებულია, ერთის მხვრივ, საქართველოში მოქმედი საწარმოების მართვის ლოგისტიკური საინფორმაციო სისტემების გამოყენება, მეორეს მხვრივ, ქართული სატრანსპორტო ლოგისტიკური მომსახურების ბაზარი მარკეტინგულ ჭრილში ოლიგოპოლიური, მონოპოლიური და თავისუფალი ბაზრის პირობებში. მოცემულია საინფორმაციო ლოგისტიკური მართვის სისტემების სრულყოფილი თეორიული ანალიზი და მათი გამოყენების შესაძლებლობა ქართულ საწარმოებში, ასევე, ამ ორი მიმართულების კვლევისა და ანალიზის საფუძველზე განხილულია ქართულ-ეკონომიკურ რეალობაში მათი სინთეზის შესაძლებლობა. ეს კვლევები ჩატარებულია სწორედ ამ თემის აქტუალობიდან გამომდინარე, რადგან კვლევისა და ანალიზის საფუძველზე მიღებული შედეგები აშკარად წარმოაჩენს იმ სერიოზულ და მნიშვნელოვან პრობლემებს, რომლებიც არსებობს, როგორც საქართველოში მოქმედ საწარმოებში, ასევე ქართულ სატრანსპორტო ლოგისტიკურ ბაზარზე. კვლევებისა და ანალიზის შედეგად შემუშავებულია გარკვეული რეკომენდაციები, როგორც საწარმოებისთვის ასევე, ტრანსპორტის სხვადასხვა სახეობაში მოღვაწე სატრანსპორტო-საექსპედიტორო კომპანიებისთვის, რომელთა გამოყენება მნიშვნელოვნად აამაღლებს, როგორც ამ საწარმოების მიერ გამოშვებული პროდუქციის კონკურენტუნარიანობას, ასევე, გაზრდის სატრანსპორტო ლოგისტიკური სისტემის ეფექტურობას.