ქართლის წითელყურძნიანი ვაზის ჯიშების თავკვერისა და ასურეთული შავის ბიოლოგიური და სამეურნეო თვისებების შესწავლა

სამაგისტრო ნაშრომი წარმოდგენილია მევენახეობის მიმართულებით და კვლევის მიზანია ქართლში გავრცელებული წითელყურძნიანი საღვინე ვაზის ჯიშების, თავკვერისა და ასურეთული შავის, ბიოლიგიური და სამეურნეო თვისებების შესწავლა. მათ შესახებ თანამედროვე მოთხოვნათა გათვალისწინებით ახალი ექსპერიმენტული მასალის მოპოვება და ვაზისა და ღვინის საერთაშორისო ორგანიზაციის (OIV) მიერ შემუშავებული დესკრიპტორების მიხედვით შეფასება.
საქართველოში მოძველებულია ამპელოგრაფიული სახელმძღვა¬ნე¬ლოები და სიღრმისეული და თანამედროვე კლასიფიკატორებით გამოკვლეული ჯიშების რაოდენობა მცირეა.
მოპოვებული ექსპერიმენტალური მასალები ხელს შეუწყობს ქართლში გავრცელებული ვაზის ჯიშების, თავკვერისა და ასურეთული შავის, თანამედროვე რესურსებით კვლევას, მათთვის დამახასიათებელი ჯიშური, თვისობრივი, ამპელოგრაფიული თუ სამეურნეო ნიშნებით.