ადგილობრივი ბიუჯეტები და მაღალმთიანი რეგიონების სოციალურ-ეკონომიკური განვითარება

ადგილობრივი მმართველობისა და მაღალმთიანი რეგიონების სოციალურეკონომიკური მდგომარეობის განვითარება, საბიუჯეტო სისტემის სრულყოფა და მისი ეფექტიანი ფუნქციონირება მნიშვნელოვანწილად არის დამოკიდებული ბიუჯეტებს შორის ურთიერთობების ნორმალიზებაზე, რაც უპირველეს ყოვლისა, გულისხმობს საბიუჯეტო სისტემაში შემავალი სხვადასხვა დონის ბიუჯეტებს შორის სახსრების მობილიზაციისა და გადანაწილების ეფექტიანი მექანიზმის შემუშავებას. სახელმწიფოს ხელშეწყობითა და ადგილობრივი ბიუჯეტების მეშვეობით ხდება ფინანსური რესურსების მობილიზება, რომელთა ეფექტური გადანაწილდება იქნება წინაპირობა მაღალმთიანი რეგიონების სოციალურ-ეკონომიკური განვითარებისა.
ბიუჯეტის შემოსავლების მთავარ მატერიალურ წყაროს გადასახადები წარმოადგენს. გადასახადებს გადამწყვეტი როლი ენიჭება ბიუჯეტის შევსებაში, ხოლო შევსებული ბიუჯეტის სწორ განკარგვას, ეფექტურად გაწერას ისეთი პრობლემების გადაწყვეტაში აქვს ლომის წილი, როგორებიცაა სახელმწიფოს წინაშე მდგარი ერთ-ერთი მნიშვნელოვანი პრობლემის (თუ ერთადერთი არა) მაღალმთიანი რეგიონების სოციალურ-ეკონომიკური მდგომარეობის გაუმჯობესება.