არაპირდაპირი (ევენტუალური) განზრახვით ჩადენილი მკვლელობის სუბსუმცია, შედარება ქართულ და გერმანულ სისხლის სამართალში

სისხლის სამართლის ლიტერატურაში ევენტუალური განზრახვის საკითხი ერთ-ერთი საკამათოა. არაერთი თეორია ჩამოყალიბდა ევენტუ-ალურ განზრახვასთან დაკავშირებით, რაც საკითხის მნიშვნელობაზე მი¬უთი-თებს. ევენტუალურ განზრახვაზე განსხვავებული მიდგომაა სხვადას¬ხვა ქვეყნის სამართალშიც.
მაშინ, როცა ქართული, გერმანული და მთელი რიგი ქვეყნების სისხლის სამართლის მიხედვით, ევენტუალური განზრახვა განზრახვის სახეა, ამერი-კული, ინგლისური და ფრანგული სამართლის შესაბამისად, იგი არ მიიჩნევა განზ¬რახვის სახედ და მას თვითიმედოვნებასთან ერთად განიხილავენ სუბიექტური მხარის დამოუკიდებელ ფორმად, რომელიც გაუფრთხი¬ლებ-ლობას უფრო გამოხატავს, ვიდრე განზრახვას.