დერმატოლოგიური ცხოვრების ხარისხის ინდექსი და პრობლემის დაძლევის სტრატეგია ფსორიაზით დაავადებულ პირებში

ფსორიაზი არის ქრონიკული მიმდინარეობის, ანთებითი ხასიათის ფსიქო-დერმატოლოგიური დაავადება. ფსიქოლოგიური ფაქტორები იწვევენ ან/და ამწვავებენ ფსორიაზის დროს გამონაყარს. დაავადების გამწვავება განაპირობებს ნერვული სტრესის არსებობას და აუარესებს პაციენტთა ცხოვრების ხარისხს. პრობლემის დაძლევა ფსორიაზის დროს იწვევს ნერვული სტრესის პროვოცირებას, რაც აყალიბებს მანკიერ წრეს.
მიუხედავად იმისა, რომ მრავალი კვლევა ჩატარებულია ფსორიაზის დროს ფსიქოლოგიური ფაქტორებისა და პრობლემის დაძლევის სტრატეგიების როლის შესახებ, ჯერ კიდევ არ არსებობს ერთგვაროვანი აზრი ამ ორ ცვლადს შორის კორელაციის შესახებ. კვლევის მიზანს წარმოადგენდა გვეჩვენებინა კავშირი ამ ცვლადებს შორის და შეგვემუშავებინა მეთოდოლოგია, რომლის დახმარებითაც მარტივად შევძლებდით პაციენტთა იმ ჯგუფის აღმოჩენას, რომელთაც ესაჭიროებათ ფსიქოლოგიური მხარდაჭერა.