ნასყიდობის ხელშეკრულება

დღესდღეობით სამეწარმეო ურთიერთობების ძირითად ბაზისს წარმოადგენს ხელშეკრულება. ნებისმიერი საწარმოს თუ ორგანიზაციის კომერციული გეგმის რეალიზაცია შეუძლებელია გარიგებისა და ხელშეკრულების გარეშე.
ყველა საქმიანი ურთიერთობა სამეურნეო სუბიექტთა შორის რეგულირდება კანონმდებლობითა და იმ პირობებთ, რომლებსაც ისინი ითვალისწინებენ შესაბამის ხელშეკრულებებში.
ხელშეკრულება განსაზღვრავს მხარეთა ვალდებულებებს, მათ პასუხისმგებობას, პროდუქციის ფასებს, მიწოდების ვადებს, ანგარიშსწორების ვადებს და სხვ.
სამეურნეო ხელშეკრულებების ერთ-ერთი გავრცელებული ფორმაა ნასყიდობის ხელშეკრულება. ნასყიდობის ხელშეკრულებით გამყიდველი მოვალეა გადასცეს მყიდველს საკუთღების უფლება ქონებაზე, მასთან დაკავშირებული საბუთები და მიაწოდოს საქონელი.
ნაშრომის 1-ელ თავი წარმოადგენს ლიტერატურის მიმოხილვას. მასში გაანალიზებულია ის წყაროები, წიგნები, ელ. რესურსები, რაც გამოყენებულ იქნა ნაშრომზე მუშაობისას.
ნაშრომის შემდგომ თავებში განხილულია სხვადასხვა საკითხები: ხელშეკრულების ცნება, არსი, ფორმა; ნასყიდობის ხელშეკრულებაში მხარეების ძირითადი უფლებები და მოვალეობანი; გამყიდველის მოვალეობები; მყიდველის ძირითადი და არაძირითადი ვალდებულებები; ნივთის დაღუპვის რისკი; ხელშეკრულებაზე უარის თქმის საფუძველი; ყიდვა-გაყიდვის სახელშეკრულებო ურთიერთობები საერთაშორისო კანონმდებლობაში და სასამართლო პრაქტიკის მაგალითები.