Georgian Cartoon Films Portal - Big Data Analysis, Processing and Visualization

პროექტი „რეანიმაცია“ არის ამ ნაშრომის ძირითადი ამოსავალი წერტილი. პროექტის მიზანია შეიქმნას პორტალი, სადაც იქნება ყველა არსებული ქართული მულტფილმი, მომხმარებლებს კი შესაძლებლობა ექნებათ შევიდნენ, ნახონ სასურველი მულტფილმი, გაეცნონ ინფორმაციას ზოგადად კინემატოგრაფიის შესახებ, დაწერონ შეფასება თითოეულ მულტფილმზე და ა.შ. გარდა ამისა თითოეულ მომხმარებელს შეეძლება ხელი შეუწყოს დაზიანებული მულტფილმების აღდგენას დონაციით. მოცემულ პროექტში მთავარ სირთულეს წარმოადგენს დიდი რაოდენობის ვიდეო მონაცემების შენახვა და მათი სტრიმინგი. სწორედ ამ თემაზეა მოცემული ნაშრომი, სადაც განვიხილავთ დიდ მონაცემებს სიღრმისეულად.