მცდარი სამედიცინო ქმედებით მიყენებული ზიანის ანაზღაურება

“არ ცდება ის, ვინც არაფერს აკეთებს,”
ადამიანი ყოველდღიურად უშვებს
შეცდომას, მათ შორის გამონაკლისს არც პროფესიონალები წარმოადგენენ.
მედიცინა (ლათ. მეცნიერება მკურნალობის შესახებ) ეს არის მეცნიერება
ადამიანის დაავადებათა, მათი მკურნალობისა და პროფილაქტიკის შესახებ.
შესაბამისად, მედიცინა მიმართულია პაციენტის ჯანმრთელობის
შენარჩუნებისა და გაუმჯობესებისაკენ.
ლიტერატურაში არსებული შეფასების თანახმად, ,,პაციენტი არის
ნებისმიერი პირი დაბადებიდან გარდაცვალებამდე“.
გამომდინარე აქედან,
ყოველი ადამიანი ცხოვრების გარკვეულ ეტაპზე არის პაციენტი
პერსპქტივაში, შესაბამისად არა მხოლოდ პაციენტის, არამედ თითოეული
ადამიანის მიზანს წარმოადგენს მათი უფლებების დაცვა ზოგადად
ჯანმრთელობის დაცვის სფეროში, მათ შორის მცდარი სამედიცინო
ქედებისგან.
ბოლო ათწლეულების მანძილზე მნიშვნელოვნად გაიზარდა უკმაყოფილო
პაციენტებისა და მათი ნათესავების რაოდენობა, რომელიც ხშირად
გამოწვეულია არასწორი დიაგნოზით/მკურნალობით, ექიმის შეცდომით,
არაპროფესიონალიზმით, რასაც ჯანმრთელობის დაზიანებამდე უარეს
შემთხვევაში კი ფატალურ შედეგამდე მივყავართ. გამომდინარე აქედან,
პაციენტის უფლებების დაცვა ჯანმრთელობის დაცვის კუთხით უფრო და
უფრო მეტად აქტუალური ხდება. მაგალითად, ჯანმრთელობის მსოფლიო
ორგანიზაციის მონაცემებით მსოფლიოში საშუალოდ ყოველი მეათე
ჰოსპიტალიზებული პაციენტი ზიანდება ექიმის შეცდომის შედეგად.
სამწუხაროდ, საქართველოში კონკრეტულად ამ კუთხით სტატისიკა არ
არსებობს, თუმცა ძალიან ბევრი სასამართლო გადაწყვეტილების მოძიებაა
შესაძლებელი, რაც მიუთითებს მსგავსი შემთხვევების სიხშირეზე.