ჩინეთ რუსეთის ორმხრივი და მრავალმხრივი ურთიერთობები

ჩემ მიერ არჩეული კვლევის ძირითადი მიზანია შევეცადო და წარმოვაჩინო
ისეთი ორი გიგანტი ქვეყნის თანამშრომლობა ერთმანეთთან, როგორიცაა ჩინეთი და
რუსეთი. ამ ორი ქვეყნის ურთიერთობა მნიშვნელოვანია როგორც პოლიტიკური,
ასევე სამხედრო შესაძლებლობებიდან გამომდინარე. თუნდაც მხოლოდ ის, რომ ამ
ორი ქვეყნის მასშტაბი ერთად აღებული დიდია თითქმის ყველა სხვა კონტინენტზე
ერთად, მათი რესურსები, შესაძლებლობები გასათვალისწინებელია მთლიანი
მსოფლიოსთვის. ამ ქვეყნების გადადგმულ ნაბიჯებს, რადგანაც ორივე ქვეყანა
მიუხედავად მრავალმხრივი შეთანხმებებისა, მაინც განსხვავდება ერთმანეთისგან
და რიგ საკითხებში რადიკალურად განსხვავებულებიც კი არიან.
საყოველთაოდ აღიარებული აზრია, რომ სამეცნიერო, პოლიტიკური და
ეკონომიკური კუთხით ჩინეთი გლობალურ პოლიტიკაში ერთ-ერთი მთავარი
მოთამაშეა უკვე ორ ათწლეულზე მეტია. ჩინეთის წინსვლა აისახება ეკონომიკურ
ზრდაში, სამხედრო ძლიერებასა და დიპლომატიურ გავლენებში.
თემის ძირითადი განსახილველი საკითხია რუსეთი და ჩინეთი - მათ მიერ
წარმოებული პოლიტიკა. რათქმაუნდა ორივე ქვეყანას გააჩნია თავისი
გეოპოლიტიკური ხედვა და მისწრაფებები, თუმცა თანამშრომლობის ამ ეტაპზე
ორივე მხარისთვის ჯერ-ჯერობით მნიშვნელოვანია ღრმა და ყოვლისმომცველი
თანამშრომლობა.