კვერენჩხილაძე, გიორგიალავერდაშვილი, გიორგიგიორგიალავერდაშვილი2019-12-122019-12-122019https://openscience.ge/handle/1/1043კონსტიტუციის უზენაესობის პრინციპი სამართლის აქსიომაა. პირველი დაწერილი კონსტიტუციის შექმნიდან დღემდე კონსტიტუციის ტექსტები სწორედ უზენაესობის იდეით იყვნენ გაჯერებული. დღესდღეობით, აღნიშნული პრინციპის მიმართ განსხვავებული აზრები, უფრო მეტიც ტენდენციაც კი შეინიშნება ევროპის კონტინენტზე. წინამდებარე ნაშრომის მიზანს წარმოადგენს კონსტიტუციის უზენაესობის პრინციპის არსის და უზენაესობის განმაპირობებელი ფაქტორების გამოკვლევა, ასევე ევროპაში მიმდინარე კონსტიტუციონალიზმის მე-5 ტალღის კონსტიტუციების შესწავლა ზოგიერთი კონსტიტუციონალისტისა და საერთაშორისო ორგანიზაციის პოზიციების ანალიზზე დაყრდნობით. ნაშრომი შედგება 5 თავისგან, რომელთაგან პირველი და ბოლო, მე-5 თავი შესაბამისად შესავალს და დასკვნას ეძღვნება. დანარჩენი თავების დეტალურ აღწერას ქვემოთ წარმოგიდგენთ. კონსტიტუციის უზენაესობის იდეას 1970-იანი წლებიდან ევროპაში დაუპირისპირდა ევროკავშირის სამართლის უზენაესობის პრინციპი. აღნიშნულ პრინციპს ნორმატიული საფუძველი არ გააჩნია, იგი სამოსამართლო სამართლის პროდუქტს წარმოადგენს. ევროკავშირის სამართალი და მით უფრო, მისი ცალკეული სამართლებრივი ასპექტები ქართულ დოქტრინაში თითქმის არ არის შესწავლილი. არსებობს რამდენიმე სტატია თუ სახელმძღვანელო, რომლებიც სხვადასხვა დოზით ეხება ევროკავშირს, როგორც საერთაშორისო ორგანიზაციას, და მხოლოდ ნაწილობრივ არის საუბარი ევროკავშირის სამართლის უზენაესობის პრინციპზე. ნაშრომის მეორე თავს სწორედ ევროკავშირის სამართლის უზენაესობის ბუნების შესწავლას დავუთმობთ. განვიხილავთ იმ წამყვან საქმეებს, რომლებიც აღნიშნული პრინციპის მასშტაბს ადგენს.kaევროკავშირის სამართლის უზენაესობის პრინციპის მასშტაბიკონსტიტუციის უზენაესობის პრინციპი საკონსტიტუციო სამართალშიკონსტიტუციის უზენაესობის პრინციპი ქართულ კონსტიტუციონალიზმშიmaster thesis