ბერიძე, თალიკომირანდა, კილაძეკილაძემირანდა2021-03-192021-03-192020https://openscience.ge/handle/1/2261სამაგისტრო ნაშრომი „ჭვანის ხეობის მეტყველების თავისებურებანი“ ეხება აჭარული ლექსიკის მნიშვნელოვან საკითხს. კვლევის საგანია ჭვანის ხეობის მცხოვრებთა სასაუბრო მეტყველებაზე დაკვირვება და არსებული თავისებურებების გამოყოფა. ცოცხალი სასაუბრო მეტყველების ნიმუშებმა საინტერესო სურათი წარმოგვიდგინა როგორც ფონეტიკური, მორფოლოგიური და სინტაქსური, ასევე ლექსიკურ-ფრაზეოლოგიური კუთხითაც. აჭარული, როგორც ქართული ენის სხვა დიალექტები, სწრაფად განიცდის ცვლილებას. ენის განვითარება გვიჩვენებს, რომ ლიტერატურული ერთეულები ყოველდღე მკვიდრდება დიალექტებში, რაც აშკარად გაქრობის მომასწავებელია ცოცხალი, ხალხური სასაუბრო მეტყველების ნიმუშებისა. ამიტომ, დიალექტთა ლექსიკის კვლევა, მათი გამოყოფა, შესწავლა და სისტემატიზაცია მნიშვნელოვანია ლინგვისტური თვალსაზრისით. თემა საკმაოდ აქტუალურია, რადგან ჩვენი მთავარი მიზანია, სიახლეების მიგნება და მივიწყებული, არქაული ფორმების აღნუსხვა, რაც აქტუალობის განმსაზღვრელია. ნაშრომზე მუშაობისას გამოვიყენეთ აღწერითი, ისტორიულ-შედარებითი, ანალიზისა და სინთეზის მეთოდები, რამაც საშუალება მოგვცა ნათლად წარმოგვედგინა ხეობაში არსებული მდგომარეობა სასაუბრო მეტყველების კუთხით. სამაგისტრო ნაშრომში, ჩაწერილი მასალის და კვლევის შედეგების ანალიზის საფუძველზე, წარმოდგენილია დასკვნები, მოყვანილია მაგალითები.kaაჭარული ლექსიკაჭვანის ხეობის მცხოვრებთა სასაუბრო მეტყველებაენათმეცნიერებაmaster thesis