ლოგისტიკური სისტემის დაგეგმვა და სტრატეგია

Abstract

წარმოდგენილ სამაგისტრო ნაშრომში “ლოგისტიკური სისტემის დაგეგმვა და სტრატეგია” შესწავლილი და გაანალიზებულია თეორიული ბაზა ლოგისტიკური სტრატეგიის მიმართულებით. გაკეთებულია ლიტერატურული ანალიზი ამერიკელი და ევროპელი ავტორების გამოცემებისა, რომლებიც ლოგისტიკური პროცესების სტრატეგიული გადაწყვეტილებების მიმართულებით მუშაობენ. შესაბამისად, ჩამოყალიბებულია სტრატეგიული გადაწყვეტილებების ტიპები, მიზნები, უშუალოდ ლოგისტიკური სტრატეგიები, მენეჯერთა როლი სტრატეგიულ გადაწყვეტილებების მიღებაში, გაანალიზებულია სტრატეგიული არჩევანის, სტრატეგიული ალიანსების მნიშვნელობა და ამ ბაზაზე ჩამოყალიბებულია მათი ურთიერთკავშირი ღირებულებით კონკურენტუნარიანობასთან მიმართებაში. დეტალურადაა გაანალიზებული ლოგისტიკურ სტრატეგიაზე მოქმედი ფაქტორები, ასევე, დასახულია სტარტეგიის განვითარებისა და გაუმჯობესების გზები, რომლებიც გამოიყენება ლოგისტიკურ პრაქტიკაში. ნაშრომში მნიშვნელოვანი ადგილი უჭირავს დღეისათვის ძალზე აქტუალური სერვისების ნაკადების კვლევას უცხოური კომპანიების მაგალითზე. ამ კვლევის საფუძველზე ჩამოყალიბებულია სერვისების ნაკადების რაოდენობრივი და ხარისხობრივი შეფასების კრიტერიუმები ლოგისტიკური სტრატეგიების ჭრილში, შემუშავებულია შესაბამისი ალგორითმები. დასკვნით ნაწილში თეზისების სახით მოცემულია ლოგისტიკური სტრატეგიების პრობლემატიკა და ჩამოთვლილია ის მნიშვნელოვანი ფაქტორები, რომელთა გადაწყვეტა ხდება როგორც უშუალოდ კომპანიების, ასევე, რეგიონული (ტერიტორიული) ლოგისტიკური სისტემების შემუშავების დროს. აგრეთვე, შემუშავებულია რეკომენდაციები, რომელთა გათვალისწინება ხელს შეუწყობს როგორც კონკრეტულ ორგანიზაციებს, კომპანიებს შეიმუშაონ სწორი ლოგისტიკური სტრატეგიები, როგორც მატერიალური, ასევე სერვისების, საინფორმაციო და ფინანსური ნაკადების სწორად დაგეგმვის დროს.